تمل ناڈو میں 2 مسافر بسوں کے آپس میں ٹکرانے سے 11 افراد ہلاک، 60 زخمی
تمل ناڈو کے ضلع شیوگنگا میں کمنگوڈی کے قریب دو سرکاری بسوں کی خوفناک ٹکر سے کم از کم 11 افراد ہلاک اور 60 زخمی ہو گئے۔ حادثہ پلئیارپاٹی سے پانچ کلومیٹر دور پیش آیا۔ متاثرہ بسیں تروپور سے کارائیکوڈی اور کارائیکوڈی سے ڈِنڈیگل کی جانب رواں تھیں۔ زور دار تصادم سے بسوں کا اگلا حصہ چرمرا گیا۔ ریسکیو ٹیموں اور عام شہریوں نے فوری طور پر زخمیوں کو قریبی اسپتال منتقل کیا۔
