مرکزی حکومت نے یومِ جمہوریہ کے موقع پر پدم ایوارڈز 2026 کا اعلان کرتے ہوئے 131 شخصیات کو مختلف شعبوں میں اعزازات دینے کی منظوری دی ہے۔ آنجہانی اداکار دھرمیندر کو بعد از وفات پدم وبھوشن دیا جائے گا جبکہ بھارتی کرکٹر روہت شرما کو پدم شری سے نوازا گیا ہے۔ اس فہرست میں فنون، ادب، کھیل، طب اور سماجی خدمات سے وابستہ نمایاں نام شامل ہیں۔ وزیراعظم نریندر مودی نے تمام ایوارڈ یافتگان کو مبارکباد دی ہے۔